Herson vilâyetinde Rusiye istilâsı sebebinden keçken künü sekiz insan yaralandı, olarnıñ arasında bir bala bar, dep bildirdi vilâyetniñ arbiy memuriyetiniñ yolbaşçısı Aleksandr Prokudin.
Onıñ aytqanına köre, çeçek ayınıñ 14-nde Herson vilâyetiniñ bir qaç on meskün yeri Rusiye ateşine oğradı.
"Rusiye arbiyleri kritik ve içtimaiy infrastrukturağa ücüm ettiler; vilâyetniñ mesken kvartallarına, şu cümleden üç çoq qatlı evge ve 21 şahsiy evge zarar ketirdiler. İşğalciler hocalıq inşaatlarına ve şahsiy maşinalarğa da zarar ketirdi", — dep yazdı Prokudin telegrammada.
Rusiye arbiyleri çeşit silâ qullanıp Ukrayina regionlarına muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
