Herson vilâyetinde iyünniñ 18-nde saat 14:00-te orta suv seviyesi 93 santimetr ola. Bu aqta vilâyetniñ arbiy memuriyeti bildirdi.
Regionda 23 mesken yerni suv bastı, altısı – sağ tarafta, qalğanları – sol tarafta. Herson vilâyetiniñ sağ tarafında 879 mesken evni suv bastı.
Herson vilâyeti arbiy memuriyetiniñ yolbaşçısı Oleksandr Prokudin suv basqan energetik infrastrukturanı tamir etmek ve çalıştırmaq içün eñ az bir ay kerek olacaq, dep bildirdi.
«Energetik donatmalarnıñ büyük qısmı saqlanıp qaldı! Transformator ve topraq quruğanınen mütehassıslar çalışıp başlaycaq», – dep qayd etti o.
Tahminlerge köre, iyünniñ 26-nda vilâyette gaz berilecek. Gaz hızmetiniñ mütehassısları donatmalarnı tamir etip, ev hatlarını test ete.
İyünniñ 6-nda saba Rusiye Herson vilâyetindeki Kahovka gidroelektrostantsiyasınıñ dambasını yoq etti, dep bildirdi Ukrayına arbiyleri. Ukrayına prezidentiniñ ofis yolbaşçısı Andriy Yermak bildirgenine köre, gidroelektrostantsiya bentiniñ yoq etilüvi Qırımnı içilgen suvsız qaldıra bile. Herson ve Mıkolayıv vilâyetlerinde suv basuv neticesinde 4 biñden çoq insan tahliye etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
