Herson vilâyetiniñ Novaya Kamenka köyü yaqınında Rusiye mayını sebebinden vatandaşlar ketken maşina patladı, dep haber ete Ukrayına Milliy polisiniñ matbuat hızmeti.
Berilgen malümatqa köre, Ford maşinası tanklarğa qarşı mayınğa bastı, patlav oldı ve yanğın çıqtı. 1967 senesi doğğan er adamı o yerde can berdi, 1983 senesi doğğan daa bir kişi yaralandı, hastahanege yatmaqtan vazgeçti.
Patlav yerinde Ukrayına Devlet fevqulâde vaziyetler hızmetiniñ hadimleri mayınlarğa qarşı daa bir qaç mayın taptı.
«Polis Novaya Kamenka köyü yaqınlarında duşmannıñ mayınında eki er adamınıñ, Dnipropetrovsk vilâyeti sakinleriniñ patlavğa oğrağanıne bağlı cinaiy tahqiqat başlattı. Adise tafsilâtları ögrenile», – dep aytıla haberde.
Noyabrniñ 21-nde vaqtınca işğal etilgen topraqlarnıñ reintegratsiya meseleleri naziri İrına Vereşçuk Herson sakinlerini qışqa tahliye olmağa çağırdı.
Bir sıra delil ve şaatlıqqa baqmadan, Moskva büyük istilâ başlağanından berli vatandaşlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
