''Olardan ekisi - qorantadır. Ve olarnı ana-babasınen beraber alıp ketmege on keldi. Daa üçü qıyın yaşayış şaraitinde olğan balalar. Şimdi olarnıñ episi telükesiz yerde, olarğa kerekli yardım kösterile'', - dep bildirdi vilâyet yolbaşçısı.
Dekabrniñ 1-nde Save Ukraine ükümetke bağlı olmağan teşkilât işğal etilgen bölgelerden daa eki balanıñ çıqarılğanını bildirdi.
Azatlıq Radiosına baş nazir muavini, vaqtınca işğal etilgen topraqlarnıñ reintegratsiya meseleleri naziri İrina Vereşçuk bildirgeni kibi, cenk başlağanından berli Ukrayinağa qanunsız sürette Rusiye Federatsiyasına çıqarılğan eñ az 380 balanı qaytarmağa imkân oldı.
Ukrayina akimiyetiniñ resmiy malümatına köre, 2023 senesi iyülniñ 31-ne qadar, 2022 senesi fevralniñ 24-nden başlap Ukrayinadan Rusiyege 19 546 bala sürgün etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
