Aleksandr Dudka yerli sakinlerge yapqan video muracaatında Ukrayına vatandaşı qalğan qasaba sakinlerine Rusiye bücetinden alınğan ilâclar berilmeycek, dep qayd etti. Dudkanıñ Telegramdaki haberine «Sirena» neşiri emiyet berdi.
«Birinciden diger memleketniñ vatandaşı olmaq ne demek olğanını is etken insulin qullanğanlar endi bile. Gumanitar yardım da aynı şekilde berilecek», — dep ayttı Dudka.
Qasaba memuriyetiniñ yolbaşçısı Rusiye Lazurnoye qasabasını zapt etken soñ balaları mekteplerge qatnamağan sakinlerni tenqit etip, ana-babaları memuriy ve cinaiy mesüliyetke çekilecek, dep ayttı.
Dudka regionnıñ Rusiye tarafından ilhaq etilüvine qarşı çıqqanlarnı «eşya toplap, ketmege azırlanmalarına» çağırdı.
Sever.Realii qayd etkenine köre, Dudka ilk sefer böyle şeyler aytmay. Meselâ, iyün ayında Rusiye pasportı olmağan insanlar işke kirip olamaz, gumanitar yardım ve pensiya alamaz, dep aytqan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
