Herson vilâyetinde Ukrayına arbiyleri Su-25 Rusiye ücümcisini yoq etti, dep bildirdi Ukrayına Silâlı quvetleriniñ Ava quvetleri komandanlığınıñ spikeri Yuriy İgnat.
«Biraz yahşı haber. Herson vilâyetinde «Yug» ava komandılığı raşistlerniñ Su-25-ini tüşürdi. Bir uçaq ketti», – dep tarif etti o, milliy telemarafonda.
O, gece Ukrayına arbiyleri «Şahid-136» (Shahed-136) altı uçucısızını tüşürdi, dep bildirdi. Oktâbrniñ 18-ne qadar, Ukrayına Silâlı quvetleriniñ Baş ştabı malümatına köre, Ukrayınağa qarşı cenkte Rusiye 268 uçağını coydı.
Rusiye tarafı zarar körgen tehnika aqqında bildirmey. Cenk şaraitlerinde zararlar aqqında malümatnı teşkermek imkânsız ola.
Oktâbrniñ 17-nde Su-34 arbiy uçağı Rusiyeniñ Yeysk şeerinde mesken evniñ azbarına tüşti. Rusiye Mudafaa nazirligi uçuşnı talim dep adlandırıp, uçaqnıñ köçüricisi yandı, dep bildirdi. Eki pilot endi ve sağ qaldı. Rusiye Fevqulâde vaziyetler nazirliginiñ malümatına köre, yanğın yaqarlıq tökülgeni içün çıqtı. Eñ az 13 kişi öldi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
