Rusiye ordusından azat etilgen Herson vilâyetiniñ topraqları 500 metr kârege arttı, dep haber etti «Yug» Ukrayına operativ komandanlığınıñ mudafaa quvetleriniñ birleşken matbuat merkeziniñ reberi Natalâ Ğumenük Ukrayına umummilliy telemarafonında.
«Qarşı ücüm ileriley ve bir çoq yönelişte ilerilev devam ete. Azat etilgen topraqlar 400-den 500-den çoq metr kârege arttı ve bu esnas devam ete», – dep ayttı Ğumenük.
Onıñ qayd etkenine köre, 29 mesken yer azat etildi.
«Bayram» degen er künlik iş başlandı, amma iş çoq. İnsanlar bu işğal altındaki künler ve geceler yaşağan vaziyet aqqında malümat toplap başlay, ve mahkeme içün «tolu dava» içün deliller toplap başlay, çünki işğalcilerniñ qanunsız areketleri Herson vilâyetinde qayd etildi ve halqara uquqiy qurulışlarğa berilecek», – dep tarif etti Ğumenük.
Reuters agentliginiñ oktâbrniñ 3-nde bildirgenine köre, Ukrayına quvetleri Rusiyeniñ büyük ücümi başlağanından cenüpte pek ileriledi, Rusiye mudafaasını yarıp keçti ve Dnipro özeni boyu tez ileriledi.
Ukrayına prezidenti Volodımır Zelenskıy haber etkenine köre, Ukrayına Silâlı quvetleri cenübiy ve şarqiy yönelişlerde, Herson vilâyetinde onlarnen mesken yerni azat etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
