Ukrayına Silâlı quvetleri aman-aman bütün Herson vilâyetinde ateş kontrolini pekitti, dep bildirdi «Yug» Ukrayına operativ komandanlığınıñ birleşken matbuat merkeziniñ reberi Natalâ Ğumenük.
«Küreş işimizni devam ettiremiz, amma ğalebe aqqında aytmaq daa erte, azat etilgen mesken yerlerde qalmaq kerek… Bütün ğalebelerimizni aytıp olamaymız, amma ilerileymiz ve rusiyelilerni quvamız, olarnıñ maneviyatını bozamız», – dep qoştı o.
Sentâbrniñ 12-nde «Yug» operativ komandanlığı soñki vaqıtları Ukrayına Silâlı quvetleri Herson vilâyetinde beş mesken yerni işğalden azat etti, dep bildirdi: Vısokopillâ, Novovoznesenske, Biloğirka, Suhıy Stavok ve Mırolübivka. Soñki eki aftada Ukrayına ordusı Herson vilâyetinde tahminen 500 metr kâreni azat etti.
Sentâbrniñ 13-nde Ukrayına Mudafaa nazirliginiñ Baş idaresi bildirgenine köre, Ukrayına Silâlı quvetleriniñ muvafaqiyetli areketleri neticesinde Rusiye arbiyleri ve işğalci «akimiyet» Qırımdan ve Ukrayına cenübinden qorantalarını «acele tahliye ete».
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
