Herson vilâyetinde Ukraina Prezidenti saylavlarında iştirak etmek içün kelgen qırımlılarnı qarşılap aldılar.
Qırım.Aqiqat mühbiriniñ malümatına köre, Geniçesk rayonınıñ Novoalekseyevka qasabasında qırımlılarnı yerli akimiyet ve yerli meclis vekilleri beklediler. Olar adamlarğa Ukraina ve qırımtatar milliy bayraqlarını berdiler.
Soñra maşinalar kolonna tizip, saylav bölügine yol aldılar. Yerli sakinler qırımlılarnı «Slava Ukraine!» şiarlarınen qarşıladılar.
Hatırlatamız, bazar künü, mayıs 25-de, Qırım sakinleri prezident saylavlarında iştirak etmek içün qıtaiy Ukrainağa yol aldılar.
Bugün Ukraina vatandaşları memleket prezidentini saylaylar. Saylav bölükleri saat 8-de açıldı ve saat 20-de qapatılacaq.
Ukraina prezidenti vazifesine 17 adam namzet kösterdi. Esas raqipler Pötr Poroşenko ve «Batkivşçina» firqasınıñ lideri Yuliya Timoşenko oldılar.
Qırım.Aqiqat mühbiriniñ malümatına köre, Geniçesk rayonınıñ Novoalekseyevka qasabasında qırımlılarnı yerli akimiyet ve yerli meclis vekilleri beklediler. Olar adamlarğa Ukraina ve qırımtatar milliy bayraqlarını berdiler.
Soñra maşinalar kolonna tizip, saylav bölügine yol aldılar. Yerli sakinler qırımlılarnı «Slava Ukraine!» şiarlarınen qarşıladılar.
Hatırlatamız, bazar künü, mayıs 25-de, Qırım sakinleri prezident saylavlarında iştirak etmek içün qıtaiy Ukrainağa yol aldılar.
Bugün Ukraina vatandaşları memleket prezidentini saylaylar. Saylav bölükleri saat 8-de açıldı ve saat 20-de qapatılacaq.
Ukraina prezidenti vazifesine 17 adam namzet kösterdi. Esas raqipler Pötr Poroşenko ve «Batkivşçina» firqasınıñ lideri Yuliya Timoşenko oldılar.
