Ukrayına silâlı quvetleri Rusiye ordusınıñ arbiy anbarları, ava mudafaa sistemmaları ve komandanlıq noqtalarına ücüm etti. Bu aqta «Yug» Ukrayına operativ komandanlığı bildire.
«Raketa-top bölüklerimiz eki idare noqtasına, eki silâ anbarına, ava mudafaa vastalarına, radiolokatsion stantsiyasına ve duşmannıñ top rayonlarına ücüm etti», – dep qayd ete Ukrayına arbiyleri.
Bundan ğayrı, «Yug» operativ komandanlığınıñ malümatına köre, Ukrayına silâlı quvetleri Kahovka ve Antoniv maşina köpürlerinde ateş kontrolini pekitip oldı.
Avgustnıñ 29-nda «Kahovka» operativ ordu gruppirovkası «DNR» gruppirovkasınıñ 109-ıncı atıcılar polku mevzilerinden çekildi, «Rusiye desantçıları ise uruş meydanından qaçtı». Kütleviy haber vastaları menbalarına esaslanıp, Ukrayına silâlı quvetleriniñ Ukrayına cenübindeki qarşı ücüm tedbirleri aqqında bildirdi – Ukrayına arbiyleri Herson vilâyetindeki işğalci ordunıñ birinci mudafaa sıñırını keçti.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
