Link açıqlığı

Saatnıñ esas haberi

Andrey Turçak işğal etilgen Herson ziyaretinde: «Rusiye mında qalacaq» ve «bu zengin vilâyetni beraber inkişaf ettirecekmiz»


Andrey Turçak, kollaj
Andrey Turçak, kollaj

«Yedinaya Rossiya» firqası baş şurasınıñ kâtibi Andrey Turçak Rusiye arbiyleri kontrol etken Hersonnı ziyaret etip, «Rusiye mında daima olacaq», dep ayttı.

«Herson vilâyetiniñ sakinlerine muracaat etip, daa bir kere aytmağa ister edim, Rusiye mında qalacaq. Bir şübhe olmasın. Keçmişke qaytuv olmaycaq. Mında beraber yaşaycaq, bu zengin vilâyetni, tarihiy mirası, mında yaşağan insanlarınen zengin vilâyetni inkişaf ettirecekmiz. Şunıñ içün Zafer künü hayırlı olsun», – dedi o.

Herson vilâyetiniñ statusınen bağlı sualge Turçak böyle cevap berdi: «Vaqıtnı aşıqtırmayıq. Statusnı sakinleri belgiley. Şunıñ içün şimdi eñ esası – aytqan yardım meselesini çezmek ve qışqa azırlanmaq».

Britaniya istihbaratı bildirgenine köre, Rusiye Hersonda «Herson halq cumhuriyetini» quruv aqqında mustaqil referendum keçirmege planlaştıra. Böylece, işğalni aqlaycaq ola. Aprelniñ 25-nde Rusiye Tış işler nazirligi «Hersonda referendum azırlıqları aqqında bir şey eşitmedi», dep bildirdi.

Ukraina prezidenti Volodımır Zelenskıy Hersonda sahte referendum keçirilse, Ukraina muzakerelerden çıqar, dep ayttı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG