Link açıqlığı

Hesron vilâyetiniñ Novotroitsk qasabasında mahsus migratsion hızmeti meydanğa ketirildi. Mında pasport sualleri olğan qırımlılarnı qabul eteler.

Devlet migratsion hızmetiniñ matbuat-merkezi bergen malümatına köre, mında qırımlıalar bütün istegen hızmetlerni köre bileler. 16 yaşına kelgenlerde pasportnı elde etmege, 25 ve 45 yaşına kelgen isnanlar fotosüretni deñiştire bile, soyadını deñiştirgenler, pasportını coyğanlar yañı soynı ala bileler, çetel pasportını almağa istegenlerde de mında muracaat etmege imkânları bardır.

«Qırım yarımadasını terk etmege mecbur olğan qırımlılarğa bu hızmetler Ukrainanıñ er bir bölüginde berile», – dep aytıla beyanatta.

Matbuat-hızmetiniñ bergen malümatına köre, migratsion hızmetiniñ bölügi Novotroitskte salı-cumaaqşamı künü saat 9:00-dan 18:00-ge qadar ve cuma-cumaertesi künleri saat 10:00-dan 19:00-ğa qadar çalışa.

Eger de migratsion hızmetinde bazı bir añlaşılmamazlıqlar yüz berse, qırımlılarğa Ukraina Devlet sıñır hızmetleriniñ merkeziy apparatlarına muracaatta bulunmağa tevsiye eteler.
XS
SM
MD
LG