Link açıqlığı

Saatnıñ esas haberi

Herson Kyivniñ kontroli altında buluna – şeer yolbaşçısı


Hersondaki aktsiya, arhiv fotoresimi
Hersondaki aktsiya, arhiv fotoresimi

Hersonnıñ şeer yolbaşçısı İgor Kolıhayev, martnıñ 1-nde saba şeer Kyivniñ kontroli altında qala, dep bildirdi. Kolıhayev «bu saba kelgen ilk yahşı haber», dep yazdı Facebookta.

«Geceden az şey deñişti: şeerge ateş açılmadı – bu ekinci yahşı haber. Vazifelerimni yapmağa azırım. Bugün birinci vazife tükân, aphane ve diger müessiselerniñ işini kontrol etmektir. Şeer ştat rejiminde çalışa: temizlik, çöplük çıqarıluvı, naqliyat. Tünevin şeerge maddiy yardım köstermek içün esaplar açtıq ve bütün dünyadan insanlar bizge yardım ete. Amma bu para yollavlarında eñ qıymetli şey miqdar degil (olar farqlı – 100 ğrıvnâdan bir qaç biñge qadar), yazılğan tilekler ola: «Herson yüregimizde», «Tuvğanlarımız, dayanıñız», «Rus gemisi, s.ktir ket», – dep yazdı şeer yolbaşçısı.

Martnıñ 1-nde saba Rusiye ordusı Hersonğa ateş açmağa devam ete.

Herson vilâyetiniñ devlet memuriyeti Facebookta bildirgenine köre, Rusiye arbiyleri «Tavriçeskiy mikrorayonında binağa ateş açtı».

Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.

Fevralniñ 24-nde Kreml Putinniñ ücümniñ maqsadı «Ukrainanı askeriysizleştirüv ve denatsifikatsiyası» olğanına dair aytqanlarını tekrarladı.

Putin Ukrainağa ücüm etkenini aqlap, fevralniñ 21-nde Ukraina ükümeti özek silâsını almağa tırışqan neonatsist rejimi olğanına sebepsiz qabaatlavlarnı tekrarladı. Rusiye prezidentiniñ vekili Dmitriy Peskov Ukrainanıñ askeriysizleştirilüvi ne demek olğanını añlatıp, bu «çetel devletleriniñ faal ğayretleri sayesinde soñki vaqıtları pek artqan arbiy potentsialnı neytralleştirüv» ola, dep qayd etti.

Ukrainada Rusiye ücüm etken soñ arbiy vaziyet ilân etildi. Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.

Prezident Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net.

XS
SM
MD
LG