Herson vilâyetiniñ işğal altındaki qısmınıñ yolbaşçısı Vladimir Saldo vilâyetni işğal etilgen Qırımnen birleştirgen demiryolğa raketa darbesi endirildi, dep bildirdi.
«Keçken gece Kyiv rejiminiñ aydutları Herson vilâyeti ve Qırım arasında demiryolnı yoq etmege tırışıp, on eki uzaq mesafeli «Storm Shadow» raketasını qullandı», – dep yazdı Saldo Telegram kanalında.
Onıñ bildirgenine köre, bütün raketalar tüşürildi. Bir yerde tek zarar bar, dep ayta. «Bularnı yazğanımda tamir taqımı er şeyni tüzetti», – dep ayta Saldo. Amma bularnıñ delillerini köstermey.
Muarririyet bu malümatnı mustaqil menbalarda tez teşkerip olamay.
İyünniñ 22-nde saba işğal etilgen Ukrayına topraqlarınıñ Rusiye akimiyeti Çonğar köprüne ateş açıldı, dep bildirgen edi. Rusiyeliler tayin etken Herson vilâyetiniñ işğal etilgen qısmınıñ yolbaşçısı Vladimir Saldo Çonğar köprüne Strom Shadow raketalarınen ücüm etildi. Rusiye Tahqiqat komiteti Çonğar köprüne dört raketadan ateş açıldı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
