Rusiye ordusı keçken künü Herson vilâyetine 79 kere ateş etti, dep bildirdi vilâyetniñ arbiy memuriyet yolbaşçısı Yaroslav Yanuşeviç.
«Duşman vilâyetniñ barışıqsever mesken yerlerine top, toplu ateş raketa sistemaları, mayın atıcılar ve tanklardan ateş etti», – dep qayd etti o.
Herson 32 ateşke oğradı. Rusiye snarâdları maşina bazarı, kommunal müessise, mustaqil ve çoq qatlı evlerge tüşti.
«Keçken künü Rusiye ateşleri neticesinde eki insan elâk oldı, Herson vilâyetiniñ doquz sakini farqlı yaralar aldı», – dep qoştı vilâyetniñ arbiy memuriyet yolbaşçısı.
Rusiye ordusı noyabr ayında Hersondan ketken soñ şeerge ve Ukrayına akimiyeti kontrol etken vilâyet rayonlarına muntazam sürette ateş açıla.
Herson vilâyetiniñ şura deputatı Serğiy Hlan Azatlıq Radiosına bildirgenine köre, Hersonda işğal bitken soñ 80 biñ kişi yaşay edi – şimdi aman-aman 10 biñ insan şeerden ketti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
