Rusiyeniñ Herson vilâyetine açqan ateşi neticesinde oktâbrniñ 2-nde eki insan elâk oldı, daa yedi kişi yaralandı, dep bildirdi vilâyetniñ arbiy memuriyet reisi Oleksandr Prokudin.
«Keçken künü duşman 80 kere ateş açtı, mayın atıcı, top, «Grad», tank, aviatsiya ve uçucısızlardan 502 snarâd atıldı. Herson şeerine 60 snarâd atıldı. Rusiye arbiyleri vilâyetniñ mesken yerlerine ücüm etti; oquv yurtlarınıñ binaları, kilse, gumanitar ştab, alış-veriş merkezi, avtomerkezi, zavod ve kritik infrastruktura obyektine ücüm etildi», – dep aytıla haberde.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
