Ukrayina Ava quvetleri Herson vilâyetiniñ işğal etilgen qısmında Rusiye askerleriniñ idare noqtasına ücüm etti, dep haber ete Ukrayina Silâlı quvetleriniñ Baş ştabı.
Onıñ aytqanına köre, Ukrayina arbiyleri Rusiye Silâlı Quvetleriniñ 81-inci top polkunıñ idare noqtasını yoq etti.
«Ukrayina uçucılarınıñ ustalığı sayesinde beton inşaatı bütünley yoq etildi. Qurbanları baqıla, 20-30 işğalci öldürilgendir», – dep bildirdi komandanlıq.
Baş ştab darbe Rusiye bölükleriniñ bu rayonda uruşlarnı keçirmek imkânlarını «bayağı bozdı».
Rusiye komandanlığı aprelniñ 7-nde darbe aqqında bildirmegen edi.
Ukrayina ordusı Hersonnı ve Herson vilâyetiniñ bir qısmını 2022 senesi noyabr ayında azat etti. Herson vilâyetiniñ sol tarafı Rusiye işğali altında qala.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
