Link açıqlığı

Saatnıñ esas haberi

Qırımğa ukrain deñizcilerniñ mahkemesine rusiye television kanalları keldi (+süret, video)


Qırımtatar faali Zair Smedlâ ve rusiye jurnalistleri Aqmescitteki Kiyev rayon mahkemesi yanında, 2018 senesi, noyabr 27

FSB tutqan ukrain deñizcilerine ceza qararı alınacaq Kreml nezareti altındaki Aqmescit Kiyev rayon mahkemesiniñ binası yanında rusiye televizin kanallarınıñ ve rusiye nezareti altında Qırım kanallarınıñ jurnalistleri toplandı.

İlk alınğan malümatqa köre, mahkeme binası yanında rusiyeli “Pervıy kanal”, NTV, “Rossiya”, “İzvestiya” ve Rusiye nezareti altındaki “Krım24” ve “KOT” qırım televizion kanallarınıñ çeküv taqımları ve jurnalistleri bulunmaqta, bundan ğayrı, canlı yayın keçirmek içün köçme televizion stantsiyaları da bar.

Jurnalistler Aqmescitteki Kiyev rayon mahkemesi yanında, 2018 senesi, noyabr 27
Jurnalistler Aqmescitteki Kiyev rayon mahkemesi yanında, 2018 senesi, noyabr 27

Qırımtatar faali Zair Smedlâyev Facebook saifesinde, video kamera, mikrofon ve başqa çeküv cihazlarınen onlarca adamlarnıñ mevcut olğanını köstergen videonı yükledi.

Semedlâyevniñ aytqanına köre, rusiye jurnalistleri, mahkeme binasınıñ yanında toplanğan qırımlılardan tutulğan ukrain deñizcileriniñ vaziyetinen bağlı tefsir almağa tırışa.

Daa evel haber etildi ki, qırımlılar Aqmescit Kiyev rayon mahkemesiniñ binası yanında ukrain deñizcilerinen desek köstermek içün toplana.

Salıkünü saba ukrain deñizcilerini tahminen sekiz Qırım advokatı mudafaa etecegi belli oldı.

Хронология кризиса в море (видео)
Bekleñiz, lütfen

No media source currently available

0:00 0:02:03 0:00

Ukraina Arbiy deñiz quvetleri bildirgenine köre, noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Qırımdaki Rusiye FSB idaresi bildirgenine köre, noyabrniñ 25-nde Ukrainağa ait üç arbiy gemi «Rusiyeniñ devlet sıñırından qanunsız» keçip, Keriç boğazı yolunda «telükeli areketler» yaptı.

Aqşamğa yaqın Rusiye ukrain gemilerini keçirdi, amma birazdan atışlar aqqında belli oldı. Ukraina Arbiy deñiz quvetleriniñ malümatına köre, ücüm neticesine altı ukrain arbiyi yaralandı. Rusiyede silâ qullanuvını tasdıqladılar ve üç yaralanğan ukrain deñizcisi aqqında haber ettiler.

Ukraina Yuqarı Radası, noyabr 26-sında aqşam bir sıra vilayette Azaq ve Qara deñizleriniñ içki suvlarında cenk vaziyetini ilân etti.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

Soñki vaqıtları Azaq deñizi Rusiye uquq qoruyıcıları, birinciden Ukraina limanlarına ketken ve andan kelgen gemilerni tutqan sıñırcıları, tarafından yapılğan provokatsiyalarnıñ yeri oldı.

XS
SM
MD
LG