Ğarbiy ava mudafaa sistemalarınıñ berilüvi ve Ukrayınanıñ Rusiyedeki arbiy nişanlarğa qarşı darbe endirüv imkânları sıñırlavlarınıñ lâğu etilüvi Ukrayınanıñ Harkivni Rusiye darbelerinden qoruması içün pek müim, dep aytıla Amerikanıñ cenkni tedqiq etüv institutınıñ iyünniñ 2-ndeki esabatında.
Talilciler qayd etkenine köre, onlarnen ğarbiy memleket Ukrayınanıñ Rusiyedeki arbiy obyektlerge darbe endirmesinde ğarbiy silâ qullanuv sıñırlavlarını qısmen ya da bütünley lâğu etti.
Lâkin Cenkni tedqiq etüv institutı bildirgenine köre, Harkiv vilâyetiniñ şimalinde prezident Volodımır Zelenskıy istegen eki Patriot batareyası Rusiye ava boşluğında Rusiye uçaqlarına qarşı ateş açmağa imkânları olmasa, Rusiye ava darbelerinden qoruvda sıñırlı semereli olur edi.
Rusiye arbiyleri Ukrayına regionlarına çeşit silâdan muntazam surette ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa qarşı yapılğan ücümni red ete. Harkiv vilâyetiniñ şimalinde Rusiye ücümi sebebinden Ukrayına prezidenti Volodımır Zelenskıy Harkivni Rusiye ücümlerinden imaye etmek içün bir qaç qoşma Patriot ava mudafaa sisteması kerek, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
