Harkivde, raketalardan biri urulğan Sport sarayında, viranelerniñ temizlenüvi devam ete, dep bildirdi vilâyet arbiy memuriyetiniñ yolbaşçısı Oleğ Sinğubov.
"İnsanlar alâ daa viraneler altında buluna bile, şu sebepten qıdırma ve qurtaruv işleri devam ete. O yerde çalışqan bir elektrikçi, viraneler arasında qapatıldı. O, telükesiz olğanına qadar. Sport kompleksi yanında eñ azından altı uçuş qayd etildi, bir qısmı topraqqa tüşti", — dep yazdı Sineğubov.
Bundan evel memur, atış neticesinde zarar körgenlerniñ sayısı 41-ke qadar arttı, olarnıñ arasında beş bala bar, dep bildirdi.
Rusiye quvetçileri Harhiv vilâyetine bir qaç kere ateş açtı, kündüz ise Harhivnññ özüne ücüm etti.
Rusiye arbiyleri çeşit silâlardan Ukrayina regionlarına muntazam surette ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
