Harkivde Rusiyeniñ dron ücümi neticesinde yedi insan elâk oldı, olarnıñ arasında balalar bar, daa üç kişi yaralandı, dep bildirdi vilâyet arbiy memuriyetiniñ yolbaşçısı Oleğ Sineğubov.
Şahsiy evlerden birinde beş adamnıñ cesedi tapıldı, olarnıñ arasında yedi ve dört yaşında ve altı aylıq bala, diger obyektte daa eki ölü tapıldı.
''Saat 22:46 işğalciler Harkivge "Şahed" tipindeki kamikadze dronlarınen ücüm etti. Şeerniñ Nemişlân rayonında bir kişi elâk oldı. Grajdan infrastruktura zarar kördi. Bir qaç büyük yanğın çıqtı. 15 mesken ev bütünley yandı", - dep yazdı o telegramda.
Aqibetlerni yoq etüv devam ete, yanğınlar toqtatıldı.
Rusiye arbiyleri çeşit silâlardan - dron, raketalar, RSZO - Ukrayina regionlarına muntazam surette ücüm ete. Yanvar ayında Rusiye ücümlerini quvetleştirdi, neticede onlarnen insan elâk oldı, yüzlernen insan yaralandı.
Ukrayina prezidenti Volodımır Zelenskıy yanvarniñ 30-nda bildirdi ki, yılnıñ başından berli Rusiye Ukrayinağa 330-dan ziyade çeşit raketa ve tahminen 600 arbiy uçucısız uçaqnı uçurdı.
Moskva, isbat ve şaatlıqlarğa baqmadan, tam cenk başlağanından berli Ukrayinada vatandaşlarğa ateş açılğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
