«Mesken evge qarşı tekrar yapılğan ücüm vaqtında başqa yerde üç qurtarıcı elâk oldı. Umumen – dört kişi elâk oldı. Yaralanğanlar arasında acele tibbiy yardım emşiresi bar, o, yardım etmege keldi. Çeşit seviyeli yaralar olğan insanlarnıñ sayısı on eki oldı», – dep yazdı o, Telegramda.
Onıñ aytqanına köre, Rusiye ordusı gece Harkivge qarşı qullanğan «şahedler» mesken evlerge tüşti – bir danesi 14 qatlı evge, bir qaç qatta daireler yıqıldı, tış divarı da zarar kördi.
Aprelniñ 4-ne keçer gecesi Rusiye ordusı Harkivge «şahedlernen» ücüm etti. Yerli akimiyet em mustaqil, em çoq daireli evlerge yapılğan darbeler aqqında bildirdi. Darbelerden biri yerinde yanğın çıqtı, daa birinde mesken evniñ plitaları tüşti.
Devlet fevqulâde vaziyetler hızmetiniñ malümatına köre, Rusiyeniñ gece ücümleri neticesinde hızmetniñ üç hadimi elâk oldı. Adreslerden birine kelgen qurtarıcılarğa tekrar dronlarnen ücüm etildi – eki qurtarıcı o yerde can berdi, biri hastahanege ketkende vefat etti. Daa bir qurtarıcı yaralandı. Devlet fevqulâde vaziyetler hızmetiniñ üç dane tehnikası zarar kördi. Al-azırda aqibetleri yoq etile.
Rusiye arbiyleri çeşit silânen Ukrayına regionlarına, hususan Harkiv vilâyetine ücüm ete. Delil ve şaatlıqlarğa baqmadan, Moskva büyük istilâ başlağanından vatandaşlarğa qarşı ücümni red ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
