Harkivde "Epicentre" alış-veriş merkezine yapılğan Rusiye ücüminiñ qurbanları 18 insan ola bile, şimdiki vaqıtta olardan 11-i belli oldı. Bu aqta Azatlıq Radiosınıñ efirinde Harkiv vilâyet prokuraturasınıñ spikeri Dmıtro Çubenko bildirdi.
Çubenko aytqanı kibi, ücüm neticesinde çıqqan yanğın sebebinden bütün cesetler belgilenmey bile.
"Umumen, bugünge qadar eñ az 18 insan elâk oldı. Bu, tapılğan 11 ceset ve 7 ariza. Qıdıruv devam ete, raqamlardan biz añlaymız, ve biz ölülerniñ bulunğan yerlerini añlaymız, çünki bizde kameralardan alınğan video bar. Biz şimdi bu cesetler içün çalışamız. Çezilemeycek ya da çezilmeycek problemler yoq. Amma birisini tapıp olamağanımıznıñ telükesi kerçektir", — dep ayttı spiker.
Çubenko şunı da añlattı ki, yanğın elâk olğan insanlarnıñ cesetlerine zarar ketirdi, şunıñ içün kimligini belgilemek qıyın. Adetince, DNK örnekleri bir qaç saat içinde teşkerile.
Spikerniñ aytqanına köre, tükânnıñ meydanlığı pek büyük, bazı cesetlerden ise aman-aman iç bir şey qalmadı. Qıdıruv ketişatı devam ete.
Mayıs 25-te Rusiye quvetçileri Harkivde qurucılıq alış-veriş merkezine ücüm etti.
Rusiye arbiyleri Ukrayına regionlarına çeşit silâdan muntazam surette ücüm ete. Harkiv vilâyetiniñ şimalinde Rusiye ücümi sebebinden Ukrayına prezidenti Volodımır Zelenskıy Harkivni Rusiye ücümlerinden imaye etmek içün bir qaç qoşma Patriot ava mudafaa sisteması kerek, dep bildirdi.
Delillerge baqmadan, Moskva, büyük istilâ başlağanından berli, Ukrayina vatandaşları ve infrastrukturağa nisbeten maqsatlı ücüm olğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
