Bunı Frenkistan haber agentligine bergen intervyusında Ukrayina milliy telükesizlik ve mudafaa şurasınıñ kâtibi Oleksandr Lıtvınenko bildirdi.
"Al-azırda sıñır zonasında Rusiye areketleri devam ete", — dep ayttı Lıtvınenko ve qoştı: "Harkiv şeerine ücüm telükesini körmeymiz.
Mayısnıñ 13-nde aqşam haberinde Ukrayina Arbiy quvetleriniñ Baş ştabı bildirdi ki, Harkiv yönelişinde ukraiyn arbiyleri duşmanlarnı çetke çekti ve Volçansk mesken yeriniñ şimaliy çetinde temizlev tedbirlerini keçire, Starıtsa mesken yeriniñ yanında arbiy çatışma başlandı.
Yerli akimiyetniñ malümatına köre, Rusiye ordusı Harkiv vilâyetinde kiçik gruppalarnen yañı yönelişlerge ücüm ete.
Mayıs 13-te gece Ukrayina Silâlı quvetleriniñ Baş ştabı bildirdi ki, ukrayin arbiyleriniñ malümatına köre, Volçanskqa ücüm etmek içün RF Silâlı quvetleriniñ komandanlığı beş batalyonğa qadar küç celp etti ve "zararlarnı köz ögüne almadı".
Rusiye quvetçileri mayısnıñ 10-nda saba Ukrayina-Rusiye sıñırı boyunca Harkiv vilâyetine ücüm areketlerini başladı. Olar bir qaç köyni zapt etip oldılar, şimdi Volçansk içün uruşlar devam ete, bu, cenkten evel ealisi aman-aman 17 biñ insan olğan şeer.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
