Sumtsov Harkiv tarihiy müzeyiniñ fondunda «Örnek» qırımtatar örnekli etnografik kollektsiyası tapıldı. Bu aqta Ukraina Medeniyet nazirliginiñ matbuat hızmeti bildire.
Berilgen malümatqa köre, Medeniyet nazirligi ve «Alem» cemaat teşkilâtınıñ mütehassısları 1943 senesi Harkiv azat etilgen soñ müzey fonduna kelgen kollektsiyanı tedqiq etti.
«Bugünge qadar Harkiv tarihiy müzeyi bu eşyalarnıñ peyda oluv ikâyesini, manası ve medeniy ananelerdeki rolüni tam olaraq bilmegen edi. Müzey eşyalarınıñ qayd etüv vesiqaları Ekinci cian cenki vaqtında ğayıp olğan edi», – dep aytıla haberde.
Ukraina Medeniyet nazirliginiñ malümatına köre, bu etnografik kollektsiyanıñ müzey eşyaları qırımtatarlar ve Qırımnıñ diger halqları sürgünliginiñ 75 yılına bağışlanğan sergide qullanılacaq.
Keçken sene Ukraina Medeniyet nazirligi «Örnek» qırımtatar örnegini medeniy mirasnıñ maddiy olmağan elementleri milliy cedveline kirsetti.
