«Restavratsiyadan» evelki Hanlar sarayı ve Sovetler Birligi zamanındaki Bağçasaray manzaraları (fotoresimler)

Bu fotoresimlerni jurnalistlerimiz Donetsk vilâyetinde 2015 senesi noyabr ayında taptı.

Peski köyündeki Donetsk agrar sanayı istisalı institutınıñ filial viranelerinde teçhizat, edebiyat ve cam parçaları arasında jurnalistlerimiz on beş eski qara-beyaz fotoresimni taptı. Jurnalistler Qırım manzaraları – Çufut Qale yıqıntısı, Bağçasaray minareleri ve Hersones viranesini – körecegini tasavvur etmegen edi.

Fotoresimlerniñ müellifi institutnıñ sabıq hadimi, qasaba sakini Vladimir İvanoviç Vistâk ola.

Bağçasaraydaki Hanlar sarayı – qırımtatarlarnıñ tarihınen bağlı eñ meşur müzey, Qırım hanları Geraylarnıñ yaz rezidentsiyasıdır. O, bütün dünyada qırımtatar saray mimarcılığınıñ yekâne örnegi ola.

Müzey kompleksinde saray, garem, hanlar mezarlığı ve cami bar. O, UNESCO dünya mirasınıñ cedveline kirsetilecek namzetler sırasında mevcut.

2016 senesi iyül ayında Qırımnıñ Rusiye medeniyet mirasını qoruv devlet komiteti Hanlar sarayınıñ «restavratsiyasını» aqqında kelişti. Akimiyet bunı «qazağa qarşı işler» dep adlandırdı.

Kyiv, Rusiye akimiyetiniñ Hanlar sarayında keçirgen «restavratsiyanı» çoq tenqit etken edi. Ukraina medeniyet nazirligi bu işler sebebinden Hanlar sarayınıñ baş korpusı yoq etile bile, dep bildire.