Toplanğanlar ögünde Maks Burla, ALISA ve NAIMES grupası çıqıştı bulunğan. Kontsertke kelgenlerge tamır halqlar, olarnıñ tarihi ve medeniyeti aqqında aytıp bergenler. Anda qırımtatar yemeklerini aşap baqmaq, ressam Andriy Yarmolenkonıñ futbolkalarını satın almaq mümkün edi. Futbolkalarda Resusr merkezi tarafından azırlanğan hatıra ve añma künlerge bağışlanğan resimler tasvirlegen: "Eki bayraq bir memleket", "Qırımtatar halqınıñ soyqırımı", "İşğalge yoq", "Russia go home" ve digerleri.
Halqara tamır halqlar künü er yıl avgustnıñ 9-nda qayd etile, 1994 senesi onı BM Baş Assambleyası belgiledi. Ukrayina prezidenti Volodımır Zelenskıy 2021 senesi iyülniñ 21-nde Yuqarı Rada 2021 senesi iyülniñ 1-nde qabul etken №1616-IX «Ukrayina tamır halqları» qanunını imzaladı. Qanun Qırım yarımadasında şekillengen qırımtatarlar, qaraylar ve qırımçaqlarnı Ukrayinanıñ tamır halqları olaraq tanıy.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
