Halqara ceza mahkemesiniñ Başlanğıç mahkeme palatası Rusiyeniñ Ukrayinağa qarşı cenki köntekstinde eki insan içün tevqif orderini çıqardı. Bular Rusiye prezidenti Vladimir Putin ve Rusiye prezidenti yanında bala aqları vekâletlisi Mariya Lvova-Belova.
"Putinniñ Ukrayinanıñ işğal etilgen topraqlarından ealiniñ (balalarnıñ) qanunsız sürgün etilmesi ve ealiniñ (balalarnıñ) qanunsız şekilde Rusiyege köçürilmesi kibi cenk cinayetleri içün mesüliyet taşıy. İhtimal ki, cinayetlerniñ eñ azı 2022 senesi fevral 24 kününden itibaren Ukrayinanıñ işğal etilgen topraqlarında yapılğan. Putinniñ yuqarıda qayd etilgen cinayetlerge köre, şahsiy cinayet mesüliyetini taşığanını saymaq içün mantıqlı esaslar bar. Qayd etilgeni kibi Mariya Lvova-Belova Ukrayinanıñ işğal etilgen topraqlarından ealiniñ (balalarnıñ) qanunsız sürgün etilmesi ve ealiniñ (balalarnıñ) qanunsız şekilde Rusiyege köçürilmesi kibi cenk cinayetleri içün mesüliyet taşıy", - dep yazıla bildirmede.
Berilgen malümatqa köre, Putin ve Lvova-Belova içün tevqif orderi 2023 senesi fevral 23 künü prokuraturağa berilgen muracaatlardan soñ çıqarılğan.
Ukrayina Baş prokurorı ofisi Halqara ceza mahkemesiniñ qararını alğışladı ve "Ukrayin ve bütün halqara uquq sisteması içün tarihiy" dep adlandırdı.
Evel Kremlde Gaagadaki Halqara ceza mahkemesini ve onıñ yurisdiktsiyasını tanımaycaqlarını bildirgen ediler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
