Fevralniñ 21-nde Halqara ana tili künü munasebetinen "Nefes" cemaat teşkilâtı "Cemaat" mustaqil cemaat mediası, "Qırım studiyaları" ve "Qırımtatar tiliniñ inkişafı institutı" ile birlikte qırımtatar tilinde yedinci onlayn-imlânı keçirecek. Bu aqta teşkilâtnıñ Facebook saifesinde haber etile.
İmlâ içün metinni qırımtatar tili ocası ve tercimanı Mayye Safet yazdı, imlânı ise qırımtatar tili tşlsınası, oca ve terciman Mamure Çabanova oquycaq.
İmlâ fevralniñ 21-nde Kıyiv vaqtı ile saat 19:00-da "Nefes"niñ YouTube kanalında, Facebook saifesinde ve "Cemaat"nıñ YouTube kanalında yayınlanacaq.
Fevralniñ 3-nde "Kıyiv-Moğila akademiyası" Milliy universitetinde "Qırım studiyaları" ilmiy-tasil merkeziniñ taqdimi olıp keçti.
Bundan evel haber etilgenine köre, qırımtatar "Vikipediyası" içün maqale yazma marafonı fevralniñ 25-ne qadar uzatılğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
