Aqmescitte yekâne olğan ukrain mektep-gimnaziyasınıñ müdiri Natalya Rudenko «Aksönovnıñ halq imayesi» ve şeer şurasınıñ memurları tarafından yapılğan sıqıştırmalar neticesinde bugün işten çıqmağa mecbur oldı.
Bunı «Qırım.Aqiqat» haber agentligine mektep-gimnaziyasınıñ memuriyetinde olğan menbalar bildirdi.
Olarnıñ malümatına köre, saba mektep yanında toplaşqan adamlar özüni «halq imayesiniñ» vekilleri ve mektep talebeleriniñ ana-babaları olaraq tanıtıp, miting ötkerdiler. Soñra müdirge Aqmescit şeer yolbaşçısınıñ muavini İlya Glazkov ve Aqmescit şeer icra komiteti tasil idaresiniñ reberi Tatyana Suhina keldiler. Olar müdirni «madde boyunca» işten boşatuvnen qorquzıp, Rudenkonı «taraflar añlaşqanına köre» ariza yazmağa mecbur ettiler.
Bundan evel «Qırım tasil naziri» Natalya Gonçarova yerli telekanallardan birinde yayında bulunır eken, nazirlikniñ yarımadanıñ eñ yahşı ukrain mekteplerinden birini – Aqmescitteki ukrain mektep-gimnaziyasını – rus mektebine çevirmek «içki añlaşması» bar olğanını bildirdi.
Qırımda 500 rus mektebi, ve 5 ukrain, şu cümleden Aqmescitte yekâne olğan «Ukrain mektep-gimnaziyası» Oquv-terbiye kompleksi, bar.
Natalya Rudenko mektep açılğan künü 1997 senesinden berli onıñ müdiri ola.
Bunı «Qırım.Aqiqat» haber agentligine mektep-gimnaziyasınıñ memuriyetinde olğan menbalar bildirdi.
Olarnıñ malümatına köre, saba mektep yanında toplaşqan adamlar özüni «halq imayesiniñ» vekilleri ve mektep talebeleriniñ ana-babaları olaraq tanıtıp, miting ötkerdiler. Soñra müdirge Aqmescit şeer yolbaşçısınıñ muavini İlya Glazkov ve Aqmescit şeer icra komiteti tasil idaresiniñ reberi Tatyana Suhina keldiler. Olar müdirni «madde boyunca» işten boşatuvnen qorquzıp, Rudenkonı «taraflar añlaşqanına köre» ariza yazmağa mecbur ettiler.
Bundan evel «Qırım tasil naziri» Natalya Gonçarova yerli telekanallardan birinde yayında bulunır eken, nazirlikniñ yarımadanıñ eñ yahşı ukrain mekteplerinden birini – Aqmescitteki ukrain mektep-gimnaziyasını – rus mektebine çevirmek «içki añlaşması» bar olğanını bildirdi.
Qırımda 500 rus mektebi, ve 5 ukrain, şu cümleden Aqmescitte yekâne olğan «Ukrain mektep-gimnaziyası» Oquv-terbiye kompleksi, bar.
Natalya Rudenko mektep açılğan künü 1997 senesinden berli onıñ müdiri ola.
