Link açıqlığı

Saatnıñ esas haberi

Zapt etilgen ukrain deñizcileri alâ daa Aqmescitte - Çiygöz


Ukrain deñizcilerden birisini Aqmescitte maheme binasından çıqaralar, 2018 senesi, noyabr 27
Ukrain deñizcilerden birisini Aqmescitte maheme binasından çıqaralar, 2018 senesi, noyabr 27

Qara deñizde zapt etilgen ve Aqmescitte tevfiq etilgen ukrain arbiy deñizcileri alâ daa Qırımdalar. Bu aqta Qırım.Aqiqatqa qırımtatar milliy Meclis reis muavini Ahtem Çiygöz öz menbalarına atıf etip bildire.

“Urkain deñizciler Aqmescit SİZOsında”, - dedi Çiygöz.

Noyabr 29-ında qırımtatar faali Nariman Celâl, Qara deñizde zapt etilgen ve Aqmescitte tevfiq etilgen ukrain arbiy deñizcilerni Qırımdan Moskovağa alıp keteler dep advokatlarnıñ aytqanına atıf etip bildirdi. Bu haberni advokatlar Cemil Temişev, Emine Avamileva ve Ayder Azamatov da Qırım.Aqiqatqa tasdıqladı.

Aynı vaqıtta, “Berdânsk” küçük zırhlı artilleriya kateriniñ ekinci rang kapitanı Denis Gritsenkonı mudafaa etecek advokat Nikolay Polozov, bu haberniñ tafsilâtını ögrenmege tırışqanını ve malümatnı şimdilik tasdıqlap olamağanını Qırım.Aqiqatqa bildirdi.

Официальных подтверждений со стороны российских властей этой информации в настоящее время нет.

Kreml nezareti altındaki Aqmescitniñ Kiyev rayon mahkemesi, Keriç boğazında tutılğan Ukraina deñizcileri ve Ukraina telükesizlik hızmetiniñ hadimlerini 2019 senesi yanvarniñ 25-ne qadar tevqif etti. Keriç hastahanesinde yaqtqan daa üç deñizcini Keriç şeer mahkemesi tevfiq etti. Olar da 2018 senesi yanvar 25-ine qadar apiste bulunacaq. Ukraina askerleri 6 yılğa azatlıqtan marum qala bile.

QMC prokuraturası FSB tutqan ukrain deñizcilerini cenk esiri dep saya.

Ukraina Arbiy deñiz quvetleri bildirgenine köre, noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Qırımdaki Rusiye FSB idaresi bildirgenine köre, noyabrniñ 25-nde Ukrainağa ait üç arbiy gemi «Rusiyeniñ devlet sıñırından qanunsız» keçip, Keriç boğazı yolunda «telükeli areketler» yaptı.

Daa soñra belli oldı ki, FSB Qara deñizde Ukraina gemilerine qarşı silâ qullandı. Kyivniñ malümatına köre, FSB açqan ateş neticesinde altı Ukraina askeri yaralandı. Rusiye FSBsi Ukraina gemilerine qarşı silâ qullanılğanını tasdıqlap, yaralanğan üç Ukraina deñizcisi aqqında haber etti.

Ukraina Havsızlıq hızmetinde (SBU), ukrain deñizcilerinen beraber gemilerde eki SBU hadimi olğanını bildirdi.

Noyabrniñ 26-nda Ukraina Yuqarı Radası Keriç boğazında Rusiye arbiyleri tarafından Ukraina gemilerine açılğan ateş sebebinden bir qaç vilâyette cenk vaziyetini ilân etti.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG