«Mahsus operatsiyanıñ» (Rusiye akimiyeti Ukrayınağa qarşı cenkni böyle adlandıra) iştirakçilerine bu yıl aprelniñ 7-nde topraq vesiqalarını berip başlaycaqlar. Bu aqta Qırımnıñ Rusiye yolbaşçısı Sergey Aksenov Telegramda yazdı.
«Topraq damartılarınıñ fiyatı aynı olacaq ve kerekli infrastrukturanen temin etilecek. Ulaşuv yolları ve müendislik hatları planğa köre yapılacaq, işler endi kete. Hatırlatam, damartılar Qırımnıñ ğarbiy yalısında deñizge yaqın olacaq», – dep ayttı Aksenov.
Qırımnıñ Rusiye parlamenti Rusiye Federatsiyasınıñ Ukrayına qarşı cenkinde Qırımdan iştirak etkenlerge topraq damartılarını bedava bermege imkân berecek qanun deñişmelerini tasdıqladı.
Aqyarnıñ Rusiye yolbaşçısı Mihail Razvojayev «mahsus operatsiyanıñ» iştirakçileri evlerini qura bilecek biñge yaqın bedava topraq damartısını alacaq, dep vade etti. Aqyar sakinlerinden 2023 senesi yanvarniñ 1-ne qadar Ukrayına topraq vesiqalarını yañıdan resmiyleştirmesi talap etildi.
Ukrayınağa qarşı cenkte iştirak etken Rusiye gvardiyasınıñ hadimleri Rusiye arbiylerinen beraber Qırımda topraq damartılarını alacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
