Hırvatistanda dekabrniñ 22-sinde prezident saylavları keçecek, dep bildire Radio Svoboda.
1991 senesi mustaqillik etilgeninden soñ Hırvatistan vatandaşları yedinci kere cumhuriyet prezidentini saylacaq. Devlet başı vazifesine 11 namzet bar. Ülkede ve çetelde 3,85 million saylavcını rey berüv aqqı bar.
Soñki soravlarğa köre, birinci turda iç bir namzet reylerniñ yarısından çoqunı almaz. Bu vaziyette ekinci tur 2020 yılda yanvarniñ 5-inde keçirilecek.
Ğalebesi eñ ihtimallı olğan - memleketniñ şimdiki prezidenti Kolinda Grabar-Kitarović ve sabıq baş nazir Zoran Milanovićtir.
Resmiy ceetten tek eki afta devam etken saylav kampaniyasınıñ esas mevzuları - iqtisadiyat, qabarcılıqnen küreş ve bölgeninñ Avropa Birliginiñ azaları olmağan memleketlerinen munasebetler edi.
Hırvatistan 2009 senesinde NATO azası oldı, 2013 yılda ise Avropa Borligine kirdi.
Hırvatistan - parlament cumhuriyetidir. Devlet başınıñ sıñırlı salâhiyeti bar. Hırvatistan prezidenti vazifesini evelde Franjo Tuđman, Stjepan Mesić ve Ivo Josipović becere edi.
