Gurzuf – tarihiy özgünligini bir çoq yerde saqlap qalğan Qırım cenübindeki dülber bir qasaba. Denile ki, insanlar mında daa millâttan evel üçünci asırda yaşağan edi. O zamanlarnıñ mirasını ara-sıra arheologlar tapa, Ğurzufnıñ daa soñraki devir (19-20-nci asırlar) manzarlarını qasabanıñ bütün musafirleri köre bile. Tar soqaqlar, ağaçtan yapılğan balkonlı eski evler ve çeşmeler yüz ve daa ziyade yıl evelsi olğanı kibi tura.
Bu sene künde Ğurzufta qasabanıñ tarihiy qısmında büyük qurucılıq başladı. Qırımnıñ yalı boyunda tekrarlanmaz körüniş bergen eski özgün evler yerine qave ve restoranlar kelecek. Yerli cemaatçılar dey ki, eski qısımda ticaret qurucılığı qanunsız ola.
Qırım.Aqiqat mühbiri Ğurzufqa barıp, qasaba nasıl deñişkenini kördi.
Facebook Forum