Link açıqlığı

Saatnıñ esas haberi

Gürcistandaki narazılıq: uquq qoruyıcılar miting iştirakçilerini dağıttı


Uquq qoruyıcılar kene suv ve köz yaşlatqan gaz qullana
Uquq qoruyıcılar kene suv ve köz yaşlatqan gaz qullana

Tifliste mahsus bölükler Gürcistan parlamenti ögüni aldı. Uquq qoruyıcılar parlament ögünde bulunğan vatandaşlarnı suv ve köz yaşlatqan gaznen dağıttı, dep haber ete «İnterpressnews».

Mahsus bölük hadimleri parlament ögünde toplaşqanlarnı dağılmağa çağırıp, aks alda qanunğa köre tedbirler alınacaq, dep tenbiledi.

Narazılıq iştirakçilerini bir qaç kere suv ve biber spreyinen dağıtıldı, amma er seferinde narazılıq bildirgenler parlament binasına qaytqan edi.

Tiflisteki vaziyet kergin qala. Martnıñ 7-nde aqşam polis «çetel agentleri qanun leyhasınıñ birinci oquvda qabul etilmesine» narazılıq bildirgen miting iştirakçilerine qarşı küç ve mahsus vastalarnı qullandı.

Qanun leyhasınıñ qabul etilüvine «Gürcistan arzusı» ükümran firqası qoltuta, firqa bunıñ maqsadı ükümetten tış teşkilâtlar ve kütleviy haber vastalarınıñ maliye etilüvine şeffaflıq ketirmek ola, dep bildire.

ABD Tiflis elçihanesi qanun leyhasınıñ birinci oquvda qabul etilüvini ve narazılıq bildirgenlerge qarşı küç qullanıluvını «Gürcistan demokratiyası içün qara bir kün» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG