Gürcistanda "Gürcistan arzusı" ükümran fırqası ve "Halq küçü" cemaat areketi narazılıqlar vaziyetinde daa evel birinci muzakereden soñ qabul etilgen "çetel agentler" aqqında qanun leyhasını parlametten keri almaq qararını bildirdiler.
Bildirmede, qanun leyhasınıñ cemiyet arasında añlaşamamazlıqlarğa sebep olğanı qayd etilgen.
"Yalan maşınası" qanun leyhasını menfiy taraftan taqdim etip, ealiniñ belli bir qısmınıñ başını yañlış fikirnen aylandırdı. Qanun leyhasına sahte "Rusiye qanunı" tamğası uruldı ve onıñ birinci muzakereden soñ qabul etilmesi içtimaiyetniñ bir qısmınıñ közü ögünde Avropa yolundan uzaqlaşma kibi taqdim etildi", - dep bildirdiler olar.
"Biz cemiyetniñ er bir azası ögünde mesül akimiyet olaraq, desteklegenimiz qanun leyhasını iç bir şart olmadan keri almaq qararına keldik", - dep yazıla bildirmede.
Böylece Gürcistan ükümeti narazılıq bildirgen vatandaşlarnıñ talaplarını qanaatlendirdi.
Martnıñ 7-nde aqşam parlament binası ögünde beş biñden on biñge qadar insan toplaştı. Narazılıq bildirgenler polisnen çatıştı, neticede uquq qoruyıcılar köz yaşlatqan gaz ve suv qullandı.
«Çetel agentleri» qanun leyhasınıñ qabul etilüvi parlament binası ögünde çatışmalarnıñ sebebi oldı. Polis narazılıq bildirgenlerge qarşı mahsus vastalar, hususan suvatqıç ve közyaşlatqan gaz qullandı. 60-tan çoq insan tutuldı. Uquq qoruyıcı ve aktsiya iştirakçileri arasında zarar körgenler bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
