Gürcistan parlamenti «çetel agentleri» qanun leyhasını ekinci muzakerede red etti, dep bildire Rustavi-2. Telekanalnıñ malümatına köre, 35 deputat qanun leyhasına qarşı çıqtı, bir kişi «ebet» dedi. 112 deputat rey berdi, çoqusı bitaraf qaldı.
«Gürcistan arzusı» ükümran firqası ve parlament ekseriyeti «çetel agentleri» eki qanun leyhasını keri çekmege qarar aldı. Qanun hususiyetleri sebebinden deputatlar olardan birine rey bermek kerek ediler.
Kütleviy haber vastaları bildirgenine köre, «çetel agentleri» qanunına ekinci oquda qoltutqan yekâne deputat David Samharadze, «Gürcistan arzusınıñ» liderlerinden biri.
Cedveller baqılğan soñ qanun leyhasını muhalifet reyleri ğayıp etkeni belli oldı. «Gürcistan arzusınıñ» çoqusı deputatları rey bermedi, dep yaza «Gürcistan haberleri» Netgazetine esaslanıp.
Böylece Gürcistan akimiyeti bu qanunğa qarşı çıqqanlarnıñ talabını yerine ketirdi. Tifliste parlament binası ögünde martnıñ 7-80nde çoq biñli mitingler olıp keçti, narazılıq bildirgenler polisnen çatıştı. Narazılıq aktsiyaları Gürcistannıñ diger şeerlerinde de oldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
