Gürcistan parlamenti belli bir derecede "çetel agentler" aqqındaki Rusiye qanularına beñzegen "Çetel tesiriniñ şeffaflığı aqqında" qanun leyhasını birinci muzakereden soñ qabul etti. Bunı Eho Kavkaza haber ete.
76 millet vekili qoltuttı, 13 qarşı çıqtı. Parlamentniñ baqıluvına "Halq quveti" areketi teklif etken vesiqanı "Gürcistan arzusı" ükümran fırqasınıñ azaları destekledi.
"Çetel agentler" aqqınnda qanun leyhalarını parlamentniñ umumiy toplaşuvında martnıñ 9-nda degil bugün muzakere etmek qarar er kes , şu cümleden muhalefet içün de beklenmegen oldı.
Tifliste Rustaveli caddesi qapalı. Parlament binası ögünde narazılıq aktsiyaları keçirilmekte, parlamentniñ umumiy oturışından soñ iştirakçilerniñ sayısı arttı.
Martnıñ 7-nde aqşamğa yaqın narazılıq bildirgenler ve polis arasında çarpışmalar yüz berip başladı . Haber vastalarınıñ haber etkeni kibi, quvetçiler itirazcılarğa qarşı közyaşlatıcı gaz ve suvatqıçlar qullana.
Avropa Birligi bu teşebbüslerniñ Gürcistannıñ AB-ne namzet olmasına dair 12 tevsiden eñ az ekisine zıt olğanını bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
