Ukrayina "Cenüp" operativ komandanlığınıñ spikeri Natalâ Ğumenük Azatlıq Radiosınıñ yayınında işğal etilgen Qırımda yüz bergen patlavlarnı izaatladı.
"Biz "pamuq" mevsimini ilân ettik, sözümizni tutamız. Bu, Mudafaa quvetleriniñ planlarındadır, bu cenkniñ mantığı ve taktikasına tam uyğundır. Ve er kesniñ pek çoq aytqanı qarşı ücümniñ bir parçasıdır. Qarşı ücümniñ esas elementlerinden biri duşmannıñ qabiliyetini, resurslarını, yedeklerini yoq etüv olğanı unutıla", - dedi o.
Yarımadağa ukrayin pilotsız uçaqları ücüm ettimi yoqmı sualine cevap berir eken, arbiy Ukrayina Mudafaa quvetleri ameliyatlarda iştiragini ğalebeden soñ açıqlaycağını hatırlattı. Bundan ğayrı, o, Rusiye melez cenk şaraitinde sahte malümat, yalan haberler darqatmağa tırışqanını aqqında aytıp berdi.
Spiker, Rusiye Federatsiyası media ve içtimaiy ağlarda türlü narrativler darqataraq, mayumat ajiotajinı azlatqanını bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
