Ukrayina "Cenüp" operativ komandanlığınıñ spikeri Natalâ Ğumenük Azatlıq Radiosınıñ yayınında pilotsız uçaqlarnıñ Qırımğa gece ücümini izaatladı.
Ğumenük RF Mudafaa nazirliginiñ avgustnıñ 25-ne keçken gecesi Qırımğa 42 dronnıñ ücümi aqqında malümatını izaatladı. O bu malümatnı ne tasdıqladı, ne de red etti, amma "böyle mevsimiy çeçekleme ep artacağını" bildirdi.
"Bu arada olarnıñ işine baqamız ve qaydalar, sayısı ne olğaının qayd etemiz... Olar anda quvetlerini kerçekten çoqtan toplap başladılar. Demek, olarnıñ koordinatları bizge mıtlaqa belli olacaq, çünki böyle bir miqdar gizlenemez. Ava mudafaası sistemi kerçekten yahşı, amma olarğa ögramamaq içün bizim de usullarımız bar", - dep ayta o.
Onıñ sözlerine köre, Rusiye quvetleri tehnikasını ücümlerden saqlamaq içün oın az-az bütün yarımada boyunca yerleştirgen.
Avgustnıñ 25-ne keçken gecesi Qırım ve Aqyarğa pilotsız uçaqlar ücüm etti, dep bildirdi Rusiyeni desteklegen telegram kanalları. Olar Aqmescit ve yaqınlarındaki bir sıra mesken yerde pilotsız uçaqlarnıñ uçuşını aks etken videonı yayınladılar. Rusiye Mudafaa nazirliginde avada 42 pilotsız uçaq qayd etilni aqqında bildirdiler.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
