Ukrayina "Cenüp" operativ komandanlığınıñ spikeri Natalâ Gümenük Azatlıq Radiosınıñ "Donbas Aqiqat" leyhasına intervyü berir eken, Rusiye komandanlığı Kahovka suv elektrik stantsiyasınıñ dağılması "olarnı pek raatsızlağan yönelişlerden birinde Ukrayina mudafaa quvetleriniñ areketni toqtatacağına" inanğanlarını bildirdi.
"Olar (Rusiye arbiyleri – QA) Zaporijjâ yönelişinde yer boyunca areket olacağını añlay ediler, amma Dnipro özeninden keçken yönelişten mümkün olğan areketler birleşmesini tasavur ete bilemey edi. Mında komandanlıqnıñ niyetlerini tahmin etmek qıyın edi ve bu yolnen mudafaa quvetleriniñ areketiniñ ve ilerilemesini toqtatmağa tırıştılar", - dep qayd etti o.
Onıñ sözlerine köre, Suv elektrik stantsiyasınıñ dağıluvı sebebinden cebe yolağı nasıldır deñişti, çünki mina tarlaları ve mevziler deñişti. Şimdi Rusiye arbiyleri vaqıttan faydalanaraq, ilerideki öz areketlerini deñiştirmege tırışalar.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
