"Herson civarında duşman cenaze vaqtında dron ile mezarlıqqa ücüm etti ve naqliyatqa urdı. İlk malümatqa köre, üç kişi yaralandı", - dep yazdı o.
Onıñ sözlerine köre, bir insan ağır alda. Malümat alına. Keçken afta Rusiye arbiyleri Harkiv vilâyetindeki Kupânsk rayonınıñ Groza köyüni ateşke tutqan ediler. Darbe köydeki qavehane-tükânğa endirilgen edi. Anda elâk olğan arbiyniñ añma merasime keçirile edi. Ücüm neticesinde 55 kişi elâk oldı.
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
