Rusiye kontrolindeki Qırım parlamenti ükümet reisi vazifesine Yuriy Gotsanükni tayin etti. Qarar oktâbrniñ 1-nde nevbetten tış parlament sassiyasında qabul etildi.
Gotsanükniñ namzetine bir ağızdan qoltutqanlar.
Bazarertesi künü, sentâbrniñ 30-nda, Aksenov Qırım yolbaşçısı ve ükümet reisi vazifelerini birleştirmekten vazgeçip, Qırım parlamentine vekâletlerni ayırmağa teklif etti.
Sentâbrniñ 20-nde Qırım parlamentiniñ sessiyasında Aksenov beş yılğa Qırımnıñ yolbaşçısı olaraq tekrar saylanğan edi.
Gotsanük 2016 senesinden berli Qırım Nazirler şurasınıñ reis muavini vazifesinde edi. Rusiyeniñ Qırım işğalinden evel o, Seyitler ve Curçı rayon devlet memuriyetleriniñ reisi olğan edi. «Ukrainada nam qazanğan köy hocalığı işçisi» ve «Qırım Muhtar Cumhuriyetinde nam qazanğan yerli idare hadimi» unvanlarına nail olğan edi.
