Bu leyha aqqında Azatlıq Radiosına Ğola Prıstan şeeriniñ arbiy memuriyetiniñ yolbaşçısı Svitlana Linnik bildirdi.
''Çıqarmaylar, viranelerni boşatmaylar, viraneler öyle qala, elâk olğanlarnıñ cesetleri öyle qala. Anda öz evlerinde viraneler altında yatqan daa çoq adam bar. Bu em şeer, em de köy ealisidir", - dedi bildirdi o.
Resmiy malümatqa ve tasdıqlanğan faktlarğa köre, Ğola Prıstan şeerinde 10 insan elâk oldı, lâkin kerçek elâk olğanlarnıñ sayısı daa çoq ola bile, dep qayd etti Linnik.
"O yerde bir çoq adamnı yañıdan defn etecekmiz, ve tuvğanları anda elâk olğanlarnı qıdıracaq", - dedi o.
Cenk areketleri ve Rusiyeniñ Ukrayina cenübiy topraqlarınıñ bir qısmını işğal etkeni sebebinden muarririyet bazı malümatlar aqqında resmiy tasdıqnı alamadı ya da olarnı mustaqil olaraq teşkeremez.
İyünniñ 6-nda saba Rusiye Herson vilâyetinde Kahovka SES-nıñ bentini patlattı, dep bildirdi ukrayin arbiyleri. Ukrayina prezidenti Ofisiniñ yolbaşçısı Andriy Yermak, stantsiyanıñ bentiniñ bozulması Qırımnı içme suvından marum ete bile, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
