Kyivde yanvarniñ 27-nde saat 16:00-da Maydan Müzeyi informatsion-sergi merkezinde qırımlı, vatandaş faali, eski siyasiy mabüs, dekabrniñ 21-nde cebede can bergen Gennadiy Afanasyevniñ hatıra aqşamı keçirilecek.
Tedbirde Gennadiy Afanasyevniñ «Tüşken soñ köterilmek» kitabını oquycaqlar. Onıñ temelinde 2016-2018 seneleri Qırım.Aqiqat leyhası derc etken Rusiye apishanesinde bulunğan künleri aqqında hatırlavlar bar.
Bundan ğayrı, tedbirde Ukrayına medeniyet ve informatsion siyaset naziriniñ muavini Taras Şevçenko, İtibar İnqilâbı Milliy müzeyiniñ baş müiri İgor Poşıvaylo ve Ukrayına qaramanı Volodımır Jemçugov iştirak etecekler.
Aqmescitli fotoressam ve uquqçı Gennadiy Afanasyevniñ adı «qırımlı terroristler» davasınıñ mabüsi olğan soñ meşur oldı. 2014 senesi o, Qırımnıñ Rusiye işğaline qarşı çıqtı, soñra Aqmescitte FSB hadimleri tarafından tutuldı. Onı terakt azırlağanında qabaatladılar. Halqara aq qorçalayıcı teşkilâtlar davanı siyasiy, mabüslerini ise siyasiy mabüs dep adlandırğan edi.
Azat edilgen soñ Gennadiy Afanasyev 2016-2018 seneleri Qırım.Aqiqat müellifi edi.
Gennadiy Afanasyev Ukrayınanı qoluna silâ alıp qorudı, Rusiyeniñ Ukrayınağa qarşı büyük istilâsı başlağan ilk künlerde arbor komissarlıqqa bardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
