Kyivde dekabrniñ 30-da saat 11-nde Mıhaylovskıy Zolotovєrhovıy baş kilsesinde Ukrayınanı qoruğanda dekabrniñ 21-nde cebede elâk olğan qırımlı, vatandaş faali, eski siyasiy mabüs Gennadiy Afanasyev ile vedalaşuv olacaq. Bu aqta ömür arqadaşı Lüdmila Afanasyeva Facebook saifesinde haber etti.
Vedalaşuv merasimi Kyiv vilâyetiniñ Vışneve şeerinde saat 13-te olacaq. Lüdmila Afanasyeva haber etkenine köre, cenaze ve vedalaşuv merasimi yerine naqliyat olacaq.
Aqmescitli fotoressam ve uquqçı Gennadiy Afanasyevniñ adı «qırımlı terroristler» davasınıñ mabüsi olğan soñ meşur oldı. 2014 senesi o, Qırımnıñ Rusiye işğaline qarşı çıqtı, soñra Aqmescitte FSB hadimleri tarafından tutuldı. Onı terakt azırlağanında qabaatladılar. Halqara aq qorçalayıcı teşkilâtlar davanı siyasiy, mabüslerini ise siyasiy mabüs dep adlandırğan edi.
Azat edilgen soñ Gennadiy Afanasyev 2016-2018 seneleri Qırım.Aqiqat müellifi edi.
Gennadiy Afanasyev Ukrayınanı qoluna silâ alıp qorudı, Rusiyeniñ Ukrayınağa qarşı büyük istilâsı başlağan ilk künlerde arbor komissarlıqqa bardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
