Geniçesk: yerli sakinler Rusiyeniñ tecavuzına qarşı narazılıq bildireler (fotoresimler)

Martnıñ 6-nda Herson vilâyetinde türlü şeerlerniñ yerli sakinleri Ukraina destegine ve Rusiye tecavuzına qarşı aktsiya keçirdiler.

Aynı mitingler Herson, Yañı Kahovka ve Novoalekseyevkada keçirildi. Yañı Kahovkada keçirilgen aktsiyada iştirak etkenlerden biri Sergey Tsigipanıñ sözlerine köre, Rusiye arbiyleri avağa ateş açıp, Yañı Kahovka sakinleriniñ aktsiyasını dağıtmağa tırışqan. Onıñ sözlerine köre, arbiyler közyaşlatıcı gaz ve sersemletici granadalar qullanğan. Herson vilâyetiniñ prokuraturasınıñ malümatına köre, rus askerleri narazılıq bildirgenlerge qarşı ateş açqan, bunıñ neticesinde bir adam ölgen, daa yedi yaralanğan.

Geniçesk rus işğaline qarşı nasıl narazılıq bildirdi - bizim fotogalereyamızda.