Ukraina sabıq baş naziri, RNBO sabıq kâtibi, sabıq Mudafaa naziri, Ukraina Telükesizilik hızmetiniñ birinci reisi, Ukraina ordusınıñ generalı Yevgen Marçuk, Rusiyeniñ Qırımnı suvnen temin etmek içün Ukrainğa istilâsını istisna etmey.
«Rusiye öz ordusını Ukrana sıñırlarından keriç çekse ve qoşma bölüklerini Qırımdan çıqarsa bile suv içün ücüm ete bile... Şimdi bütün talillerni yapqan soñ, Ukraina sıñırlarından olarnıñ arektelerine qarşı ciddiy reaktsiya tınğanını körgen soñ, suvnı açmaq içün bir şeyler yapa bileler», – dedi Marçuk Qırım.Aqiqatqa.
Artıq bütün analizləri apardıqlarında, Ukrayna sərhədləri yaxınlığındakı hərbi davranışlarına bu qədər ciddi bir reaksiyanın sona çatdığını görəcəklər, suyu açmaq üçün bir növ keçid edə bilərlər.
Amma Rusiye içün bu yeterli olmaz, dep saya Marçuk.
«Açmaq-yibremek bu yeterli degil. Önı anda bütün vaqıt nezaret etmek kerek. Yani, şu yerni zapt etmek kerek manasına kele. Yani bu, bentni yıqmaq içün bir kerelik ameliyat olmaycaq. Bu eñ ciddiy telükelerden biridir. Menim tahmin etkenime köre, arbiy istilâdan bu ola bilecegidir. Ve Ukraina elbette buña yol bermemek içün bir şeyler yapmalı», – dedi Marçuk.
Rusiyeniñ Ukrainağa istilâsı eki istiqamette ola bile, şu şümleden işğal etilgen Qırım sebebinden de, dep saya Ukraina sabıq baş naziri, RNBO sabıq kâtibi, sabıq Mudafaa naziri, Ukraina Telükesizilik hızmetiniñ birinci reisi, Ukraina ordusınıñ generalı Yevgen Marçuk.
Qırımnıñ suv teminlevi
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
2020 senesi Qırımdaki suv teminlevi vaziyeti kritik oldı. Qırımlı alimlerniñ bildirgenine köre, yağanaqlar yağmağanı içün ve qar az yağğan qış neticesinde qurğaqlıq oldı.
Avgustnıñ soñunda Aqmescitte, Aqmescit ve Bağçasaray rayonlarında suv berüv cedvelleri kirsetilgen edi. Daa soñra Qarasuvbazarda, Qarasuvbazar rayonında ve qısmen Aluştada cedveller kirsetildi.
Kreml kontrolindeki Qırım yolbaşçısı Sergey Aksenov Rusiye Qırımnıñ suv teminlevini fevqulâde vaziyet olaraq tanıması mümkün, dep ayta. O, 2020 senesi 150 yıl içinde eñ quru oldı, dep bildirdi.
Rusiye akimiyeti yañı suv boruları, suv qoralarınıñ quruluvına ve quyu qazıluvına milliardlarnen ruble ayırdı.
BM Ukraina Monitoring missiyası, halqara uquqqa köre, Rusiye Qırım ealisini suvnen temin etüvden mesüliyetli ola, dep israr ete.
Resmiy Kyiv, Şimaliy-Qırım kanalından suv yarımadağa tek Qırım işğalden qurtarılğan soñ berilecek, dep bildire.
