Keçken gece İslâm Terek qasabasında, Yaltada ve Aqyarda dron uçuşları, mobil ateş gruppalarınıñ atışları ve patlavlar eşitildi, yanğınlar çıqtı, dep bildire Qırım içtimaiy ağları.
Saba Ukrayinanı desteklegen "Krımskiy veter" telegram kanalı uydu malümatına atıf eterek, "Kirovskoye" uçaq alanınıñ territoriyasında gece yüz bergen yanğın ve Aqyar civarındaki Alsu (Morozovka) köyünde arbiy tehnika anbarlarında yüz bergen yanğınlar aqqında yazdı.
Bundan ğayrı, gece daa Balıqlava yaqarlıq stansiyasından küçüni dağıtqan "Sevastopol" 330/220/110/35 kV PS elektrik stansiyasına da ücüm etilgen.
Rusiye Mudafaa nazirligi saba esabatında Rusiyeniñ 15 regionı, işğal Qırım, Azaq ve Qara deñizleri üzerinde 791 Ukrayin uçucısız uçağınıñ zapt etilmesi ve yoq etilmesi aqqında bildirdi.
Qırım.Aqiqat cenk şaraitinde bu malümatnı mustaqil olaraq teşkip olamay.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.