2024 senesi mayısnıñ 22-ne keçken gecesi Rusiye Ukrayinağa 24 "Shahed-131/136" tipindeki ücüm uçaqları ile ücüm etti. Atışlar Rusiye Federatsiyasınıñ Primorsk-Ahtarsk, Kursk rayonlarından ve işğal etilgen Qırım territoriyasından yapıldı, dep bildirdi Ukrayina Ava quvetleriniñ komandanı general-leytenant Nikolay Oleşçuk.
Avağa qarşı uruş neticesinde Ukrayina mudafaa quvetleri 24 "shahedni" urıp tüşürdi, dep qayd etti Oleşçuk.
Onıñ aytqanına köre, Rusiye quvetleriniñ gece ücümini Ukrayina Mudafaa quvetleriniñ mobil ateş gruppaları, radioelektron küreş bölükleri, zıddiyet raketa bölükleri ve Ava quvetleriniñ qırıcı aviatsiyası qaytarğan.
"Dronlar Mıkolayiv, Dnipropetrovsk, Zaporijjâ, Donetsk, Sumı ve Odesa vilâyetlerinde yoq etildi", — Ukrayina Arbiy quvetleriniñ Ava quvetleri komandanı Mıkola Oleşçuk
Mayısnıñ 22-ne keçken gecesi bir sıra vilâyette, şu cümleden Sumınıñ bazı rayonlarında, "Shahed" tipindeki Rusiye uçucısız uçaqlarınıñ telükesi sebebinden ava telükesi ilân etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
